بسم الله الرحمن الرحيم
منورين يا شباب ويا شبات جايبلكم النهاردة لوغز انما ايه ممتع مسلي جميل جدا حاجة تشرح يعني
ونصيحة اخوية الموضوع للاذكياء فقط اديني قلت اهو
المهم يا سيادنا واحدة ست عجوزة كانت ماشية ومعاها سبت بيض المهم
فجاءة وبدون داعي واحد خبطها بعربيته واحد حيرد ويسالني هي العربية
كان نوعها ايه.... علشان كده قلت الموضوع للاذكياء فقط المهم البيض
طبعا وقع كله وانكسر صاحبنا نزل من العربية وسالها يا حاجة كان
معاكي كام بيضة قالت له والله يا ابني ماانا فاكرة بس انا كل يوم كان
بيبقي معايا نفس عدد البيض وبروح لمحمد بياخد مني نص البيض ال
معايا ونص بيضة وبروح بعدها لمحمود بياخد مني نص البيض ال معايا
ونص بيضة وبروح بعدها لمحسن بياخد مني نص البيض ال معايا ونص بيضة
والبيض يخلص... السؤال بقي
الست دي كان معاها كام بيضة بقي ها كان معاها كام بيضة؟
جميع الاسماء الواردة في الفزورة هي من خيال المؤلف الممشش وشكرا ليكم